МБОУ “Гелинская СОШ им.Х.А.Загирова»

Сценарий

мероприятия, посвященного открытию месячника родных языков.

Ана тилни айлыгъыны ачылывуна багъышлангъан мажлисни Гьели

орта школаны къумукъ тил ва адабият дарслардан береген муаллими Арсланбекова Испаният Мугажировна ачды. Ол адамны яшавунда ана тилни агьамияты гьакъда айтды ва мажлисни юрютеген Мугутдинова Патиматгъа, Рикматуллаева Марьямгъа сез берди.

1 Ведущий: Салам, гьюрметли муаллимлер ва къаравчулар!

2 Ведущий: Салам яшлар!

1 Ведущий: Гьюрметли къаравчулар! Бугюн биз сизин булан «Ана тилим,

сени булан оьктеммен!» деген мажлисге жыйылгъанбыз.

2 Ведущий: Бугюн мажлисибизни къумукъланы гимни булан башлама

сюебиз.

1 Ведущий: Биз яшайгъан Дагъыстанда 30-дан да артыкъ, тюрлю-тюрлю

миллет яшай. Шо миллетлени гьарисини оьзлени охуву, языву,

тили бар ва шоланы гьарисине биринчи оьзлени ана тили аявлу.

Ана тилни ва миллетни гьакъында кеп шаирлер шиърулар

язгъан.

«Миллетим» язгъан Латип. Охуй 7 «б»класны охувчу къызы

Салавова Райсат.

Миллетим –таза къумукъ

Тюзде тувгъан талайым

Не яхшылыкъ, не къуллукъ

Этип генгюнг алайым?

Къумукъ тюзде къумукъча

Сейлеп оьсгенбиз, герти

Къаймакъ салып къалмукъчай

Ичгенбиз гьар гюн эртен.

Ортакъ болгъан къумукъ тил

Дос - къардашгъа абурлу.

Къумукъну лап да асил

Хасияты-сабурлукъ.

Гече гюнлер айлана

Кеп миллетли дюнья шар

Бир миллетни, бир сама

Кем гермеген къумукълар.

2 Ведущий: Ана тилибиз—къумукъ тил барыбызгъа да бир йимик ортакъ. Биз

огъар оьз анабызгъа йимикъ абур этме, ону аявлама, сюйме ва

билме герекбиз.

Гелигиз, гьали 5-нчи ва 6-нчы класны охувчу яшларына

тынглайыкъ «Ана ва ана тил».

Дюньяда тил боламы

Ювукъ ана тилинден?

Ана тил булан ана

Айрылмай бир-биринден.

Гьатта гиччи къушлар да

Чарнай ана тилинде.

Яшайман Дагъыстанда—

Кеп тиллени элинде.

Сейлеме уьйренгенде,

«Анадыр» айтгъан сезю.

Герген баш аламаты—

Ананы нюрлю юзю.

Аналар сют тилинде

Йырлап юхлата яшны

Ананы гезьяшлары

Чечек ачдыргъан ташны!

Негер оьктем юрегим?

Тынгла,достум, сен де бил:

Анадан эшитген тил

Дюр экенге къумукъ тил!

Оьктем болма гъакъым бар,

Тилим—къумукъ, анам да,

Эсим ютма къоймайгъан

Къумукъ къан бар санымда!

Гьар инсанны яшаву

Башлана ана тилден,

Ана тил анадандыр,

Юрекге гирген бирден!.(З.Умаева)

1 Ведущий: Гьюрметли къаравчулар, мактапда охуй туруп, мажлисибизни де

мактапда оьтгергенден сонг, охувчуланы охуву гьакъда бир сез

де айтмасакъ тюз болмас.

Биз сизин «Яш къаламлар» деген адабият кружокну ортакъчылары

гьазирлеген сагьналашывгъа къарамакъны чакъырабыз

2 Ведущий: 2017йылда бютюн дюньягъа аты айтылгъан шаирлерибиз

Магьаммат Атабаев ва Бадрутдин Магъамматов арабыздан

гетди. Бу бизин къумукъ миллетге ва къумукъ тюзге уллу тас

этив.

1 Ведущий: «Къумукъ тюзюм» язгъан М. Атабаев охуй 6-нчы класны

охувчусу Хосаров Имам.

Къумукъ тюзюм—

анам мени , абайым,

къулач яйып,

къучакълама чабайым,

ювушанлыкъда тавшан йимик

тас болгъан

талайынгны сени къайдан табайым?!

Къумукъ тюзюм—

атам мени атайым.

сен юхла, мен

къаравулда къатайым,

аламатдай мени къумукъ тюзюмню

сатгъанны тап алашасын сатайым.

Халкъым мени,

къалкъым мени, къалкъаным,

сенсиз магъа сокъмакъ да екъ,

ел да екъ,

авур елда авуп атдан тюшсем мен,

тартып мени тургъузмагъа

къол да екъ.

«Ана тил» язгъан Б.Магъамматов охуй 7-нчи класны охувчусу

Абдусаламов Батыр

Ярлы дейлер къумукъ сез

Анна тийсин магъа гез

Эгиз маъналы сезлер

Ачар оьзлени оьзлер

Гент ягъаланы безеп,

Яз, яз геле, яшыл яз

Яшыл майдандан гезеп

Сав къыш ялкъгъанынгны яз.

Ялгъан буса тилимни

Тилим, тилим этип ил

Айт чы,ярлымы, баймы

Биз билеген къумукъ тил?!

2 Ведущий: «Ана тилим», «Ата юртум», «Ата элим»,деген сез тагъымлар

бири-бири булан бек байлавлу. Шону учун да бугюнгю

мажлисибизде «Ата юрт» деген йырны эсгермесек тюз болмас.

1 Ведущий: Бу йырны бизин юртда биринчи «Дагъыстанны

ат къазангъан муаллими» деген атгъа ес болгъан, уллу ватан

давну ортакъчысы, 50 йылланы узагъында Гьели орта мактапда

ишлеген Загиров Джаммалпаша Халитович язгъан.

2 Ведущий: «Ата юрт» йырлай хор кружокну ортакъчылары.

1. Ата юртум Гьели юрт

Юлдузусан бавланы

Сувукъ салкъын булагъы

Оьктемлиги тавланы

припев

Тав тюбюнде ол ерлешген

Ата юртум аявлу

Уланынг ва къызынг булан

Бары сагъа аявлу.

2. Мангырашып ойнайгъанъ

Къозуларынг, къойларынг

Сагьналарда йырлайгъан

Шат охувчу яшларынг.

1 Ведущий: Гьали биз сез берме сюебиз.

Макътапны директору Магомедмухтар Гаджимурзаевичге

Испаният Темуковнагъа

2 Ведущий: Мажлисибизни яба туруп, къумукъ тил ва адабият дарслардан

береген муаллим Мугажирова Хадижат Мугажировна бу айны

ичинде юрюлежек ишлер булан охувчуланы таныш этди

1 Ведущий: Кеп савболугъуз, баракалла

Руководитель М/О род.яз. С.Г.Хизриева

Педагог-организатор Р.С.Яхьяева